Դեպի Կենդանաբանական այգի բարձրացող ճանապարհին գտնվող Սուրիկ Խաչատրյանին պատկանող դղյակը գրանցված չէ Կադաստրի պետական կոմիտեում: Այս մասին կառավարության նիստից հետո լրագրողների հետ զրույցում հայտնել է կոմիտեի նախագահ Սարհատ Պետրոսյանը:
Հարցին, թե ինչ է անում կոմիտեն, որպեսզի այն գրանցվի, Պետրոսյանը նշել է, որ հարցով զբաղվում է Երևանի քաղաքապետարանը՝ վստահություն հայտնելով, որ համայնքը հետամուտ կլինի այս հարցում:
