Ես հիմա իմ գործընկերների հետ քննարկում եմ, երբ ամեն ինչ վերջանա, բոլոր հարցերի պատասխանները կլինեն, սխալ եմ համարում հիմա որևէ մեկնաբանություն տալ: Այս մասին լրագրողների հետ զրույցում հայտարարեց ՍԴ դատավոր Վահե Գրիգորյանը՝ պատասխանելով հարցին, թե ինչ կարգավիճակով է ՍԴ-ում այսօր եղել:
Ավելի վաղ Գրիգորյանը հայտարարել էր, որ ՍԴ գնում է նախագահի լիազորությունները ստանձնելու համար:
Գրիգորյանը հանդիպում ունեցել ՍԴ անդամների հետ, բայց ոչ բոլորի: Նրանց արձագանքը չի կարող հայտնել, դա հրապարակման ենթական չէ:
Գրիգորյանը Սահմանադրական դատարանում իր կարգավիճակի հարցը քննարկման չի դրել, աշխատակարգային նիստի ժամանակ այդ հարցը չի քննարկվել: Նա ասաց, որ նախանշված հարցը նրանց հետ առանձին կքննարկի:
ՍԴ դատավորն ասաց նաև, որ զրույց ունեցել է Հրայր Թովմասյանի հետ ևս, քննարկումը կառուցողական է եղել:
