Մեծ Բրիտանիայի նախկին արտգործնախարար, Լոնդոնի նախկին քաղաքապետ, Բրիտանիայի վարչապետի աթոռի ամենահավանական թեկնածու Բորիս Ջոնսոնի հարևանները ոստիկանություն են զանգահարել՝ հայտնելով, որ վերջինիս տանից կնոջ բղավոցներ են լսվում: Այս մասին հայտնում է The Guardian-ը:
Ոստիկանություն զանգահարողը պնդել է, որ Ջոնսոնի տանից լսվում է, թե ինչպես է մի կին բղավում «Ձեռք մի տուր ինձ», «Գնա իմ տանից»: Հարևաններն անհանգստացել են քաղաքական գործչի ընկերուհու՝ Քերի Սայմոնդսի համար և որոշել են դիմել ոստիկանությանը:
Դեպքի վայր ժամանած ոստիկանները մտել են Ջոնսոնի տուն: Արդյունքում պարզվել է, որ կինը բարկացել է, քանի որ ապագա հնարավոր վարչապետը գինի է թափել բազմոցի վրա:
