Ռուսաստանի նախագահ Վլադիմիր Պուտինը ապրիլի 1-ին աշխատանքային հանդիպում է ունեցել Թաթարստանի նախագահ Ռուստամ Միննիխանովի հետ, հաղորդում է Պուտինին մամուլի ծառայությունը:
Հանդիպմանը բացի աշխատանքային հարցերից անդրադարձ է կատարվել ղրիմցի թաթարնրի հարցին: Մասնավորապես, Թաթարստանի նախագահը զեկուցել է Պուտինին Ղրիմ կատարած այցելության մասին:
«Ես երեք անգամ եղել եմ Ղրիմում: Հանդիպել եմ մեր եղբայրների հետ՝ ղրիմցի թաթարների, հնարավորություն կար քննարկելու նրանց տեսակետը, խնդրի վերաբերյալ նրանց հայեցակարգը: Կան որոշ մտահոգիչ հանգամանքներ, որոնց մասին կցանկանայի տեղեկացնել ու ստանալ Ձեր արտոնությունը»:
Միննիխանովը նաեւ ներկայացրել է մի քանի կետեր, որոնք վերաբերում են ղրիմաթաթարական բնակչությանը՝ կապված «բարոյական վերականգնման», ղրիմցի թաթարների հետ Պուտինի հնարավոր հանդիպմանը, նրանց «ենթակառուցվածքային աջակցությանը»:
Իր հերթին Ռուսաստանի նախագահը պատասխանել է, որ կհանձնարարի մշակել այդ հարցերը:
