Իրանը բանակցություններ չի վարելու, եթե իր նկատմամբ պատժամիջոցները մնան ուժի մեջ: Այս մասին հայտարարել է Իրանի նախագահի խորհրդական Հեսամոդդին Աշնան:
«ԱՄՆ-ի հայտարարությունները՝ կապված բանակցությունների հետ, սպառնալիքների և պատժամիջոցների պահպանման պարագայում, անընդունելի են»,-ասել է իրանցի պաշտոնյան:
Աշնան նաև նշել է, որ Թեհրանը պատերազմ չի ցանկանում, սակայն չի էլ կարող ընդունելի համար պատժամիջոցների քաղաքականությունը:
Հունիսի 23-ին ԱՄՆ նախագահ Դոնալդ Թրամփը չէր բացառել Իրանի հետ նոր միջուկային գործարքի հնարավորությունը՝ ցանկացած դեպքում բացառելով Իրանում միջուկային զենքի հայտնվելը:
