Հայաստանը հույս ունի այս տարվա ապրիլին ավարտել Մաքսային միությանն անդամակցելու նախապատրաստական աշխատանքները, որպեսզի մայիսին ստորագրի այդ կազմակերպությանը միանալու փաստաթղթերը։ Այդ մասին հայտարարել է Հայաստանի արտաքին գործերի նախարար Էդվարդ Նալբանդյանը Մոսկվայի միջազգային հարաբերությունների պետական ինստիտուտի (МГИМО) ուսանողների հետ հանդիպման ընթացքում, փոխանցում է ИТАР-ТАСС-ը։
«Հույս ունենք ապրիլին ավարտել Մաքսային միությանն անդամակցելու նախապատրաստական աշխատանքները։ Եվ հույս ունեմ, որ մայիսին արդեն մենք կկարողանանք ստորագրել Մաքսային միությանը և Միասնական տնտեսական գոտուն միանալու փաստաթղթերը»,- ասել է Նալբանդյանը։
