Հասարակություն 

ԱԺ-ն դժվարություններ կունենա օրենքն ընդունելիս, որ այն կպնի միայն քաղաքապետարանին. Մարության

Ինձ համար ընդունելի չէ, որ առողջապահության վարչության աշխատակիցն ունի մասնավոր բուժհիմնարկ, կրթության վարչության աշխատակիցը՝ մասնավոր դպրոց, տրանսպորտի վարչության աշխատակիցը՝ սեփական երթուղային գիծ: Այստեղ հստակ շահերի բախում կա: Երևանի ավագանու նիստի ժամանակ հայտարարեց ավագանու անդամ Գրիգոր Երիցյանը՝ ցանկանալով իմանալ, թե ինչ տեսլական կա շահերի բախումից խուսփելու համար:

Երևանի քաղաքապետ Հայկ Մարությանը նշեց, որ հարցը պետք է կարգավորել օրենքով, իսկ եթե օրենքի խախտում կա, իրավապահները պետք է զբաղվեն դրանով: Եթե խախտում չկա, ուրեմն օրենքը թերի է: Մարությանը խոսքերով, եթե օրենքում բաց կա, պետք է գրել այնպիսի օրենք, որը կբացառի երևույթը, այլ կարգավորում չկա:

Իմքայլականը կարծիք հայտնեց, որ օրենքի մասով բացեր կան և երևի թե ճիշտ կլինի համագործակցել ԱԺ պատգամավորների հետ: Նա նաև նշեց, որ առաջիկայում գուցե կներկայացվի նախագիծ, որը կբացառի շահերի բախումը:

«Ուղղակի հռետորական մի հարց տամ. ԱԺ պատգամավորների շարքերում կա՞ն մարդիկ, ովքեր բիզնես ունեն, որ իրենց անունով չէ: Երևի թե կան: ԱԺ-ն նման օրենք ընդունելիս դժվարություններ է ունենալու, թե ոնց ընդունի, որ միայն քաղաքաապետարանին կպնի»,-ասաց Մարությանը՝ կարծիք հայտնելով, որ օրենքով կարգավորումներ պետք է լինեն և հավելելով, որ ամբողջ աշխարհում այս խնդիրը կա՝ թղթով բիզնեսները պաշտոնյային չէ, սակայն իրականում պատկանում է նրան:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից