Բուրյաթիայում օդանավի վթարային վայրէջքի արդյունքում տուժածների թիվը հասել է 21-ի: Այս մասին հայտնում են ռուսական լրատվամիջոցները:
Տեղի իշխանությունները հայտնում են, որ հոսպիտալացված 21 քաղաքացիներից 2-ն անչափահաս են՝ 17 տարեկան տղա և 13 տարեկան աղջիկ:
Ավելի վաղ հայտնվել էր, որ օդանավի անձնակազմը վթարային վայրէջքի մասին որոշում կայացրել է, երբ օդանավի շարժիչներից մեկը խափանվել է:
Վայրէջքի ժամանակ օդանավը դուրս է եկել թռիչքուղուց, բախվել շինության և այրվել:
Ավիավթարի արդյունքում օդանավի երկու օդաչուները մահացել են:
Հարուցվել է քրեական գործ: