Կոտայքի բնակիչը պետք է վերափոխվի ՀՀ քաղաքացու: Երբ ՀՀ արժանապատիվ քաղաքացին կկայանա Կոտայքում, տուրք չի տա կլանային կարծատիպերին, մեկ ուժի կենտրոնից սնվելուն, որոշակի նեղ անձնային շահերով պայմանավորված ընտրությունների գնալուն: Այս մասին լրագրողների հետ զրույցում հայտարարել է Կոտայքի մարզպետ Ռոմանոս Պետրոսյանը:
Ինչ վերաբերում է իր և Սասուն Միքայելյանի հարաբերություններին, մարզպետն ասել է, որ սրվածություն չկա:
Քաղաքական տարձայնությունների մասով Պետրոսյանը չի հերքել, որ նման բան կարող է լինել, ինչը շատ առողջ դրսևորում է:
Մարզպետը նաև նշել է, որ ինքը Կոտայքում գործում է ի շահ բացառապես ի ՀՀ քաղաքացու և Հայաստանի՝ հավելելով, թե մարզում ցավոք դեռ կա կլաններին սպասարկող տեղային կառավարում:
Պետրոսյանը ևս մեկ անգամ հաստատել է, որ Աբովյանի ընտրություններում Սասուն Միքայելյանը չի օգնել իրենց թեկնածուին: