Ռուսաստանի եւ ԱՄՆ-ի միջեւ պահպանվում է լարված մթնոլորտը կապված Ուկրաինայում ստեղծված իրավիճակի պատճառով Կրեմլի դեմ պատժամիջոցների հետ: Այդ մասին լրագրողներին է հայտնել Ռուսաստանի ֆինանսների նախարար Անտոն Սիլուանովը՝ մեկնաբանելով իր ամերիկյան գործընկեր Ջեյկոբ Լյուի հետ հանդիպումը ֆինանսկան G20 շրջանակներում:
Նրա խոսքով՝ զրույցի ընթացքում ամերիկացի գորընկերը նշել է, որ Ուկրաինայում իրավիճակի սրման դեպքում Մոսկվայի դեմ կարող են նոր պատժամիջոցներ կիրառվել: Իր հերթին Սիլուանովը պատասխանել է, որ ցանկացած պատժամիջոց հակասում է այն խնդիրներին, որոնք դիտարկում են կողմերը, այդ թվում նաեւ «քսանյակի» շրջանակներում:
«Մենք շարունակեցին մնալ մեր դիրքերում»,- արձանագրել է Սիլուանովը՝ հավելելով, որ իրավիճակը բարդանում է պատժամիջոցների կիրառմամբ ընդդեմ ռուս քաղաքացիների ու ընկերությունների:
Նա նաեւ նշել է, որ առեւտրում ու ֆինանսներում պատժամիջոցների հնարավոր կիրառումը խոչընդոտելու է հնգամյա ժամանակահատվածում հավելյան 2 տոկոս աճի ձեռքբերման խնդրի լուծմանը, որը դրվեց G20-ի առաջ փետրվարին Սիդնեյում:
Նրա կարծիքով պատժամիջոցների ավելացումը բացասաբար կազդի բոլոր երկրների վրա՝ ինչպես զարգացող, այնպես էլ զարգացած շուկա ունեցողների:
