ԱՄՆ Մաքսային ծառայությունը՝ Սահմանային ծառայության ու սպառողական ապրանքների անվտանգության հարցերով կոմիտեի հետ համատեղ, զանգվածային գործողություն են իրականացրել, որի արդյունքում առգրավվել է ավելի քան երկու հարյուր հազար մանկական տիկնիկ՝ ներմուծված Չինաստանից:
Խմբաքանակները առգրավվել են երկրի տարբեր նավահանգիստներում՝ Չիկագոյում, Լոս Անջելեսում, Դալլասում, Նորֆոլկում, Մեմֆիսում և այլն, ասվում է Մաքսային ծառայության հաղորդագրությունում: Առգրավված ապրանքի ընդհանուր արժեքը գերազանցել 500 հազար դոլարը, հաղորդում է «ԻՏԱՌ-ՏԱՍՍ»-ը:
Փորձագետները պարզել են, որ չինական տիկներիները պարունակում են ֆտալատներ՝ ֆտալային թթվի աղ ու եթերներ, որոնք արգելված են ԱՄՆ-ում: