List.am կայքով վաճառվում են տարբեր թռչուններ և կենդանիներ՝ ճուռակ, սկյուռ, բուեր, ոզնի, կրիա:
Analitik.am-ը հարցումով դիմել էր ՀՀ բնապահպանության և ընդերքի տեսչական մարմնին՝ list.am կայքով վայրի թռչունների վաճառքի վերաբերյալ՝ մատնանշելով որոշ կենդանիների վաճառքը:
Analitik.am-ին Բնապահպանության և ընդերքի տեսչական մարմնի ղեկավարի տեղակալ Ի. Սարգսյանը պատասխանել է, որ Տնային բվիկ և Ականջավոր բու թռչունները բաց են թողնվել վայրի բնություն:
Երկու սկյուռիկները ձեռք են բերվել օրինական ճանապարհով`փաստաթղթերի պատճենները ներկայացվել են:
Տափաստանային ճուռակը հանձնման-ընդունման ակտով հանձնվել է Էնդեմիկ և վտանգված տեսակների պահպանման հիմանդրամին:
Հիմնադրամում որոշակի հետազոտություններից հետո`10-15 օր, թռչունը բաց է թողնվելու վայրի բնություն:
