Չեչնիայի ղեկավար Ռամզան Քադիրովը մեկնաբանել է վրացական եթերում Գեորգի Գաբունիայի կողմից ՌԴ նախագահ Վլադիմիր Պուտինի և վերջինիս ծնողների հասցեին հնչեցված հայհոյանքը:
Քադիրովը մանավորապես նշել է, որ Կովկասում տղամարդիկ նման արտահայտություններ չեն անում որևէ մեկի հասցեին, իսկ Գաբունիան ուղղակի ի ծնե վախկոտ է. «Տեղի ունեցածը խայտառակություն է վրաց ժողովրդի և Վրաստանի համար»:
Չեչնիայի ղեկավարի խոսքերով, այստեղ հարցը չի վերաբերում առանձին լրագրողին. «Պուտինի հետ միասին հաղորդավարը վիրավորել է ամբողջ ռուս ազգին: Վրաստանի նախագահը և վարչապետը պետք է պաշտոնապես և հրապարակային ներողություն խնդրեն, իսկ հաղորդավարի արարքի մասով քրեական գործ պետք է հարուցվի: Այլապես, երեք օրից կարելի է փակել Վրաստան տանող ու Վրաստանից դուրս եկող բոլոր ճանապարհներն ու արահետները»:
