«Հրապարակ» թերթը գրում է. «Ազգային ժողովի աշխատակազմը հրաժարվել է Աշոտ Արսենյանին պատկանող «Բյուրեղ» ջրից․ արդեն մի քանի օր է՝ խորհրդարանի միջանցքներում ոչ միայն նոր ջրի ապարատներ են տեղադրվել, այլև ջրի ապրանքանիշն է փոխվել։ «Բյուրեղին» փոխարինում է «Ապարան ջուրը»։
Հիշեցնենք, որ մինչ հեղափոխությունը ԱԺ ջրի մատակարարը Ռուբեն Հայրապետյանի «Նոյ» ընկերությունն էր։ Հեղափոխությունից ամիսներ հետո Հայրապետյանի «ծառայություններից» հրաժարվեցին, և խորհրդարանը մի քանի ամիս «Բյուրեղ» էր խմում: Ըստ երևույթին, Աշոտ Արսենյանի հետ ևս իշխանության ջուրը մի առվով չի հոսել․ մի քանի օր է՝ խորհրդարանում «Ապարան ջուր» են խմում։
ԱԺ աշխատակազմի ղեկավար Տիգրան Գալստյանը մեզ հայտնեց, որ տենդեր է հայտարարվել, և տենդերի արդյունքում հաղթած ընկերությունն է նոր ջրի ապարատներով ջուր մատակարարում։ «Ես անգամ անունն էլ չեմ հիշում»,- ասաց նա և չմանրամասնեց, թե կոնկրետ որ ընկերություններն են մասնակցել ու հաղթող ճանաչվել։ Գալստյանը միայն հիշեց, որ մրցույթը շուտ է հայտարարվել՝ անցած տարի»։
Մանրամասն՝ թերթի այսօրվա համարում
