Ազատ-արդար ընտրությունները՝ դեռ չնվաճված նպատակ:
Դե քանի որ տնտեսական հեղափոխությունն այդպես էլ մնաց օդում կախված, իսկ սոցիալական խնդիրները՝ չլուծված, հիմա արդեն մի լար է մնացել՝ խաղալու. դա, այսպես կոչված, «ազատ-արդար ընտրություններն են»...
Բայց, արդյո՞ք, այդ ընտրություններն այդպիսին էին...
Մի քիչ կասկածում եմ...
Այն, որ ընտրությունների արդյունքը չի վիճարկվել, և մի քանի փողոցային «գրոհային» զոռբայության համար ոստիկանություն չի տարվել, սա, ըստ իս, բավարար չէ ընտրություններն ազատ ու արդար որակելու համար:
Դեռ հարց է՝ նախկին իշխանություններից ամեն գնով պրծնելու շարժառիթով և «ցանկացած մեկին, միայն ոչ՝ նախկիններին» կարգախոսով ղեկավարվող սովյալ ու հուսաբեկ քաղաքացու ընտրությունը որքանով կարող է ազատ լինել:
Այ երբ քաղաքացու միտքը կլինի ազատ, երբ հացի խնդիրը նրան չի տանջի ամեն քայլափոխի, այդ ժամանակ միայն կարելի է հուսալ ազատ ու արդար ընտրությունների և իրական ժողովրդավարության մասին...
