Հայաստանի ԱԳՆ-ն հայտարարել է առցանց մրցույթի մեկնարկի մասին:
Մասնակիցներին առաջարկվում է ստեղծել Հայաստանի գլխավոր տեսարժան վայրերը «Minecraft» հանրահայտ խաղում:
ԱԳՆ-ն իր Թվիթերյան էջում տեղադրել է ՀՀ Կառավարության շենքի պատկերը՝ ստեղծված համակարգչային խաղի միջոցով:
Մրցույթի հաղթողը կպարգևատրվի Հայաստանի Արտաքին գործերի նախարարության հատուկ մրցանակով:
«Minecraft» համակարգչային խաղը ստեղծվել է 2009 թվականին: Կազմված է փոքր հարթակներից և իրենից ներկայացնում է խորանարդներից կազմված եռաչափ աշխարհ. խաղացողը կարող է խորանարդները տեղափոխելով ավելի բարդ կառույցներ ստեղծել:
2018-ի հունվարին Միդլբերի միջազգային հետազոտությունների ինստիտուտի վերլուծաբանները Minecraft ներմուծեցին ԱՄՆ-ի և Ռուսաստանի՝ Սառը պատերազմի ժամանակներից պահպանված գաղտնի միջուկային բունկերները: