Հասարակություն Տեսանյութեր 

Կոկորինը և Մամաևը ֆուտբոլ են խաղացել կալանավայրում /Տեսանյութ/

«Զենիթ»-ի հարձակվող Ալեքսանդր Կոկորինը և «Կրասնոդար»-ի կիսապաշտպան Պավել Մամաևը կալանավայրում մասնակցել են ֆուտբոլային խաղի։ Համապատասխան տեսանյութը հրապարակվել է Վկոնտակտե սոցիալական ցանցում։

Կադրերում երևում է, թե ինչպես են մարզիկները ֆուտբոլ խաղում ուրիշ դատապարտյալների հետ։

Միևնույն ժամանակ կալանավայրի ղեկավար Սերգեի Պլյասովը «Սպորտ էքսպրես»-ի հետ զրույցում հայտարարել է, որ ֆուտբոլիստները գտնվում են «կարցերում» և չէին կարող մասնակցել ֆուտբոլային խաղի․ «Ֆուտբոլ նրանք չեն խաղացել»,-ասել է նա։

Հունիսի 13-ին Մոսկվայի քաղաքային դատարանը Կոկորինին դատապարտել է տարի ու կես ազատազրկման՝ ընդհանուր ռեժիմի բանտում, իսկ Մամաևին մեկ տարի 5 ամիս ազատազրկման։ Ֆուտբոլիստները տեղափոխվել են Բելգորոդսկի շրջանում գտնվող կալանավայր։

Հիշեցնենք, որ մարզիկները գտնվում են կալանավայրում 2018 թվականի հոկտեմբեր ամսից։ Նրանց կալանքը մի քանի անգամ երկարաձգվել է: Կոկորինը և Մամաևը դարձել են Մոսկվայի կենտրոնում երկու վիճաբանության հրահրողները:

 

  • 43
  •  
  •  
  • 1
  •  
  •  
  •  
  •  
  •  
    44
    Shares

Նույն շարքից