Հասարակություն 

Կառավարությունն «օգտվեց» Արսեն Թորոսյանի բացակայությունից՝ անցկացնելով հայտնի նախագիծը

Այսօր՝ հուլիսի 18-ին, կառավարությունը կրկին քննարկեց ծառայողական ավտոմեքենաների մասին նախագիծը (հարց համար 28), որի քննարկման ժամանակ կառավարության նախորդ նիստին բախում տեղի ունեցավ կառավարության աշխատակազմի ղեկավար Էդուարդ Աղաջանյանի և Առողջապահության նախարար Արսեն Թորոսյանի միջև: Նախագիծն անցած նիստի ժամանակ հանվել էր օրակարգից:

Աղաջանյանը հայտնեց, որ նախագիծը կառավարության այսօրվա նիստ մտել է առանց փոփոխությունների՝ հավելելով, որ լրացուցիչ քննարկում է եղել և իրենք ստացել են Առողջապահության նախարարության կարծիքը:

Աղաջանյանն ապա ներկայացրեց ԱՆ-ի դիտարկումները և բացատրություններ տրամադրեց:

«Ես ճիշտ հասկացա, որ Թորոսյանի բարձրացրած հարցերը ստացել են պատասխաններ և կա համաձայնություն»,-հարցրեց վարչապետը՝ ստանալով դրական պատասխան:

Նախագիծն ընդունվեց:

Նշենք, որ Թորոսյանն այսօրվա նիստին չէր մասնակցում, քանի որ արձակուրդում է:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից