Իրադարձությանը տեղյակ ենք մամուլից և նրա փաստաբանի հայտարարություններից: Լրագրողների հետ զրույցում հայտարարեց ՀՀ երկրորդ նախագահ Ռոբերտ Քոչարյանի փաստաբաններից Հովհաննես Խուդոյանը՝ խոսելով դատավոր Դավիթ Գրիգորյանի աշխատասենյակում կատարված խուզարկության մասին:
«Մտահոգիչ է, քանի որ գլխավոր դատախազության կողմից չհերքվեց այն, որ առգրավվել են նաև Քոչարյանի վերաբերյալ գործին վերաբերող նյութերը: Դա արդեն լուրջ ազդակ է, որպեսզի մենք մեր գործի տեսանկյունից որոշակի անհանգստություն ունենանք»:
Ռոբերտ Քոչարյանն անհանգստացած չէ դատավոր Գրիգորյանի աշխատասենյակում տեղի ունեցած խուզարկության փաստով. «Նորմալ, ոչ իրավական, բայց ակնկալվող ընթացք է»:
Խուդոյանը չգիտի, թե ինչու են խուզարկել դատավոր Գրիգորյանի աշխատասենյակը:
Ինչ վերաբերում է հարցին, թե ինչո՞ւ այսօր Քոչարյանը որոշեց մասնակցել նիստին, Խուդոյանն ասաց, որ վերջինս մասնակցում է այն նիստերին, որոնք հետաձգելու հիմք չկա. «Այս դեպքում նման հիմք չկար, սակայն դատախազությունը կրկին խոչընդոտ առաջացրեց»:
Այսօր՝ հուլիսի 19-ին, Վերաքննիչ դատարանում տեղի ունեցավ Քոչարյանի գույքի կալանքի մասով դատախազության բողոքի քննությունը։
Նիստը հետաձգվեց: