Հասարակություն 

Արսեն Թորոսյանը մտադիր է Մաշկաբանության և սեռավարակաբանության բժշկագիտական կենտրոնը հանձնել Սամվել Ալեքսանյանին. «Հրապարակ»

«Հրապարակ» թերթը գրում է. «Մաշկաբանության և սեռավարակաբանության բժշկագիտական կենտրոնում խմորումները շարունակվում են։ Եթե առաջիկայում վարչապետը կամ իր աշխատակազմից որևէ մեկը չընդունի կենտրոնի աշխատակիցներին, չի բացառվում, որ նրանք գնան կառավարության «դուռը»՝ բողոքի ցույց անելու։ Կենտրոնն ընդգրկված է պետական հաստատությունների ցանկում, որը մտադիր են մասնավորեցնել։

Ըստ տեղեկությունների՝ առողջապահության նախարար Արսեն Թորոսյանը, ով վերջերս առավել սերտ հարաբերություններ է հաստատել ոլորտում հետաքրքրություններ ունեցող Սամվել Ալեքսանյանի հետ, մտադիր է կենտրոնը հանձնել նրան, որ ներդրումներ արվեն։

Իսկ կոլեկտիվը կարծում է, որ մասնավորեցումից հետո կենտրոնը որպես բուժհաստատություն կդադարի գործել, և գործարարը կառաջնորդվի բացառապես բիզնես շահով։ Օրերս նրանք բաց նամակ էին հղել վարչապետին՝ հանդիպման ակնկալիքով, որտեղ իրենց մտահոգությունները շարադրելով՝ առանց անուն տալու, ակնարկել էին։ «Մեծ հավանականությամբ, հենց նման բիզնես մտածողությամբ էլ առաջնորդվում են հնարավոր արդեն մասնավորեցման հայտ ներկայացրած կամ ներկայացվելիք դիմորդները․․․»։

Մանրամասն՝ թերթի այսօրվա համարում

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից