Ըստ ՌԻԱ Նովոստիի՝ Իրաքի Քուրդիստանի իշխանությունները հայտնել են, որ շաբաթ օրը ձերբակալել են կասկածյալի՝ Էրբիլում թուրք դիվանագետի վրա հարձակման համար:
Հիշեցնենք, որ չորեքշաբթի Իրաքյան Քուրդիստանի մայրաքաղաք Էրբիլում ռեստորանի վրա զինված հարձակում էր տեղի ունեցել: Այնտեղ են եղել թուրքական հյուպատոսարանի աշխատակիցներ: Թուրքիայի ԱԳՆ-ն հաստատել է իր դիվանագետներից փոխհյուպատոս Օսման Քոսեի մահը: Բացի այդ, հարձակման ժամանակ, որին մասնակցում էր երեք հոգի, զոհվել են երկու իրաքցի:
«Ահաբեկչական գործողության համար մեղադրվող Մոհամեդ Բիսկեզիսը կալանավորվել է շաբաթ օրը»,- հայտնում է լրատվական գործակալությունը՝ հղում տալով Քուրդիստանի հակաահաբեկչական ծառայությանը:
Ավելի վաղ՝ տարածաշրջանային իշխանությունները հայտնել էին սպանության մեջ մեղադրվող գլխավոր կասկածյալ Մազլյումաթ Դաղայի ձերբակալության մասին: