Երևանի ավագանու նախկին անդամ, Առողջ հանրություն ՀԿ ղեկավար, Բժիշկ-նեյրովիրաբույժ Մարինա Խաչատրյանը ֆեյսբուքյան իր էջում գրում է.
« ՀՀ ԱԱԾ …. դեպարտամենտի
պետ Մ. Հ.-ին
«Առողջ Հանրություն» ՀԿ նախագահ
Բժիշկ-նեյրովիրաբույժ
Մարինա Խաչատրյանից
Դիմում
Հարգելի պարո՛ն Հ-յան,
2019 թվականի հուլիսի 4-ին Ձեր կողմից մակագրված 7/1-1358 «Գարդասիլ-4» պատվաստանյութին վերաբերվող փաստաթղթում նշված է, որ Ձեր հարցմանն ի պատասխան ՀՀ ԱՆ-ն տեղեկացրել է, որ. «13 տարեկան աղջիկները պատվաստվում են պլանային ծրագրի շրջանակներում, իսկ ավելի բարձր տարիքային խմբերում իրականացվող պատվաստումները պայմանավորված են հակահամաճարակային անհրաժեշտությամբ և նպատակ ունեն նվազեցնելու մարդու պապիլոմավիրուսի շրջանառությունը»։ Այդ նույն պատասխանում նշվում է, որ. «2018 թվականի հոկտեմբերին ԱՄՆ պարենի և դեղերի գործակալության կողմից հավանություն է տրվել 27-45 տարեկան անձանց շրջանում պատվաստումների իրականացմանը»։
Տեղեկացնում եմ Ձեզ, որ ՀՀ ԱՆ պատասխանը պարունակում է ակնհայտ սուտ տեղեկատվություն։ Դրանք են.
- Հայաստանի Հանրապետությունում չի իրականացվում Մարդու պապիլոմավիրուսի (ՄՊՎ) ստուգման սքրինինգային ծրագիր, հետևաբար հնարավոր չէ պնդել համաճարակի առկայության կամ բացակայության մասին։
- Անգամ եթե հետազոտություն չի կատարվում, ՀՀ ԱՆ կողմից ՄՊՎ համաճարակի մասին հայտարարություն չի եղել։
- ՄՊՎ վարակակիր անհատին ցուցված չէ «Գարդասիլ-4» պատվաստանյութը (Տե՛ս «Գարդասիլ-4»-ի ներդիր թերթիկը)։
about:blankhttp://moh.am/images/legal-368.pdf?fbclid=IwAR1BtLHXEnr7WHB7qDtBBTEnxzYbJUo1GlRM1A9PVwIxS6uqjEewnBAnGu0
ԱՄՆ պարենի և դեղերի գործակալությունը (FDA) վերջին տարիներին «Գարդասիլ -4»-ի համար ցուցված է համարել 9-26 տարեկան հասակը երկու սեռի անհատների համար։ Այդ մասին են վկայում FDA կայքում տեղակայված տվյալներըhttps://www.fda.gov/vaccines-blood-biolog…/vaccines/gardasil
և FDA պատասխանը մեր հարցումներին (կցում եմ)։
Ձեզ եմ ուղարկում նաև մեր հարցմանն ի պատասխան «Գարդասիլ-4» պատվաստանյութն արտադրող Merc ընկերության ուղարկած փաստաթուղթը, որը գրված է ռուսերեն լեզվով և հենց այդ տարբերակով գրանցված է ՀՀ դեղերի և բժշկական տեխնոլոգիաների փորձագիտական կենտրոնում (կցում եմ)։
Ներկայումս ՀՀ տարածքում կիրառվող «Գարդասիլ-4» պատվաստանյութը գրանցված չէ ՀՀ դեղերի և բժշկական տեխնոլոգիաների փորձագիտական կենտրոնում, ինչի մասին վկայում է այդ կենտրոնի պատասխանն իմ հարցմանը (կցում եմ)։
Հավելեմ, որ ՀՀ առողջապահության նախարար Արսեն Թորոսյանի 2019 թվականի հունվարի 29-ին արձակած հրամանը վերաբերվում է «Գարդասիլ-4» պատվաստանյութի կիրառման տարիքային շեմի ապօրինի ընդլայնմանը, իսկ 2019 թվականի մայիսի 15-ին նրա կողմից ստորագրվել է Պոլիոմիելիտի լրացուցիչ պատվաստումների իրականացման հրաման։
http://moh.am/images/legal-339.pdf
http://moh.am/images/legal-368.pdf
Այս երկու պատվաստանյութերը Հայաստանին տրամադրել է ԳԱՎԻ դաշինքը։
Ս.թ. հունիսի 25-ին Արսեն Թորոսյանն իր ֆեյբուքյան էջում հայտարարել է, որ ընտրվել է ԳԱՎԻ դաշինքի կառավարման խորհրդի անդամ (կցում եմ)։
Հարգելի պարո՛ն Հ-յան,
Վերոնշյալ փաստերը վկայում են այն մասին, որ ՀՀ ԱՆ-ն ՀՀ ԱԱԾ-ին տրամադրել է ակնհատ սուտ տեղեկատվություն «Գարդասիլ-4» պատվաստանյութի կիրառման տարիքի մասին։ Ինչպես նաև, Արսեն Թորոսյանը «Գարդասիլ-4» պատվաստանյութի տարիքային շեմը բարձրացնելով ստացել է պաշտոն պատվաստանյութը տրամադրող ընկերությունում, ինչն ակնհայտ շահագրգռվածության մասին է խոսում և պարունակում է կոռուպցիոն ռիսկ։
Օրենքի պաշտպանությունը մեր բոլորի գործն է, սակայն, ի պաշտոնե, իրավապահ կառույցների վրա է դրված այդ գործառույթը։
«Գարդասիլ-4» պատվաստանյութի ցուցումներից դուրս կիրառումը վտանգ է սպառնում մեր ազգային անվտանգությաննը։ Յուրաքանչյուր օր ձգձգելով այս հարցի լուծումը` իրավապահ կառույցները վտանգում են հարյուրավոր քաղաքացիների առողջությունն ու ապագան։
Ես հորդորում եմ Ձեզ ձեռնարկել բոլոր միջոցառումները` «Գարդասիլ-4» պատվաստանյութի ապօրինի կիրառումը մեր հանրության շրջանում դադարեցնելու համար։
Հարգանքով,
«Առողջ Հանրություն» ՀԿ նախագահ
Բժիշկ-նեյրովիրաբույժ
Մարինա Խաչատրյան»