ԱՄՆ նախագահ Դոնալդ Թրամփը դրական է արձագանքել Մեծ Բրիտանիայի վարչապետական աթոռում Բորիս Ջոնսոնի հայտնվելուն:
«Բորիս Ջոնսոնը լավ մարդ է, նա խիստ է, սակայն՝ խելացի: Նրան անվանում են «բրիտանական Թրամփ», մարդիկ ասում են, որ դա լավ է: Այնտեղ ինձ սիրում են, և դա այն է, ինչ այնտեղ ուզում են, ինչ նրանց պետք է: Նա ամեն ինչ կանի: Բորիսը լավն է և կանի իր աշխատանքը»,-հայտարարել է Թրամփը:
Բորիս Ջոնսոնը Միացյալ Թագավարության վարչապետ ընտրվեց հուլիսի 23-ին՝ փոխարինելով Թերեզա Մեյին:
