ԱՄՆ-ի նոր առաջարկը՝ Սիրիայի հյուսիս-արևմուտքում անվտանգության գոտի ստեղծելու վերաբերյալ, թուրքական իշխանություններին չի բավարարում։ Այդ մասին հայտարարել է Թուրքիայի արտգործնախարար Մևլութ Չավուշօղլուն, Նիկարագուայի արտգործնախարարի հետ համատեղ ասուլիսի ժամանակ։
3 օր առաջ Թուրքիայում էր գտնվում Սիրիայում ԱՄՆ-ի ներկայացուցիչ Ջեյմս Ջեֆֆրին, ով թուրքական կողմի հետ այդ հարցով բանակցություններ են վարում։
Ավելի վաղ ԱՄՆ-ի նախագահ Դոնալդ Թրամփը հայտարարել էր, որ Սիրիայում անհրաժեշտ է 32կմ խորությամբ անվտանգության գոտի ստեղծել:
«ԱՄՆ-ի առաջարկները մեզ չեն բավարարում։ ԱՆվտանգության գոտու խորությունը և այն հարցը, թե անվտանգության գոտին ում վերահսկողության անցնելու նուրբ խնդիրներ են։ Մենք չկարողացանք հասնել հաաձայնության»,-ասել է Չավուշօղլուն։
Ըստ մամուլի՝ թուրք-ամերիկյան բանակցությունների ժամանակ կողմերը համաձայնության չեն խասել անվտանգության գոտու խորության վերաբերյալ, ինչպես նաև , թե անվտանգության գոտին ում վերահսկողության տակ պետք է անցնի։ Անհամաձայնություններ են եղել նաև Սիրիայի Մանբիչ քաղաքից Սիրիայի քրդական ուժերի՝ «Ժողովրդավարական միություն կուսակցության» (ԺՄԿ-PYD) ռազմական թևը համարվող «Ժողովրդական ինքնապաշտանության ջոկատի» (YPG) զինյալների դուրս բերման հարցում, որին Անկարան համարում է ահաբեկչական կառույց։
Չավուշօղլուն հիշեցրել է, որ ԱՄՆ-ի պետքարտուղար Մայք Պոմպեոյի հետ նախկինում ձեռք էր բերվել համաձայնություն Սիրիայի Մանբիչ քաղաքի ճանապարհային քարտեզի հարցում, որով Սիրիայի քուրդ զինյալները պետք է դուրս մղվեին այնտեղից և Եփրատ գետի արևելյան հատվածից: Ըստ նրա նույն մեթեդով քուրդ զինյալները պետք է դուրս գային նաև Եփրատի արևելյան հատվածից։ Իսկ ՍԻրիայում ստեղծվելիք անվտանգության գոտին պետք է ներառեր և Մանբիչը և ՍԻրիայի արևելքը։
«Մեր համբերության բաժակը լցվել է։ Օր առաջ պետք է համաձայնության գալ անվտանգության հարցի շուրջ, հակառակ դեպքում Թուրքիան կանի, այն ինչ պիպի անի»,- եզրափակել է թուրք նախարարը։
