Ռուսաստանում մեղադրող կողմը Մոսկվայի դատարանից պահանջել է 9 տարվա ազատազրկման դատապարտել հայազգի գործարար Օլեգ Մկրտչյանին:
Ինչպես հայտնում է ՏԱՍՍ-ը, մեղադրող կողմը պահանջել է նաև 1 միլիոն ռուբլու չափով տուգանք սահմանել որպես պատիժ:
Թե երբ է դատարանը հրապարակելու վճիռը, հայտնի չէ:
Հայազգի միլիարդատերը ձերբակալվել է 2018 թվականի փետրվարին, Մոսկվայում: Նա մեղադրվում է յուրացման մեջ: Ավելի վաղ դատարանը կալանք էր դրել Մկրտչյանի 8 միլիարդ ռուբլու հասնող ունեցվածքի վրա:
