«Շրջանառության հարկի մասին» նոր օրենքի դեմ բողոքող՝ մայրաքաղաքի տարբեր տոնավաճառների մի քանի հարյուր առևտրականներ այսօր՝ սեպտեմբերի 29-ին հավաքվել են Ազգայի ժողովի շենքի մոտ՝ պահանջելով հանդիպում պատգամավորների հետ:
«Մենք հանդիպում ենք պահանջում պատգամավորների կամ Ազգային ժողովի նախագահի հետ, ուզում ենք զրուցել օրենքի մասին: Ուզում ենք առաջարկել, որ օրենքի երկու տարբերակ գործի, մնա հին օրենքը նույնությամբ եւ գործի նաեւ նորը, իսկ առեւտրականները թող գործեն այն օրենքի դաշտում, որում որ կցանկանան:
