Եվրախորհրդի կողմիցիրականացվող՝ «ԱջակցությունՀայաստանում տեղականժողովրդավարությանամրապնդմանը» ծրագրիշրջանակում այսօր` սեպտեմբերի29-ին, մեկնարկել են եռօրյաաշխատանքային հանդիպումները,որոնց ընթացքումհամապատասխան պետականմարմինների, Եվրախորհրդի եւ տեղական փորձագետների մասնակցությամբ կքննարկվենՀայաստանում ֆինանսական համահարթեցման հայեցակարգի, ֆինանսական համահարթեցմանօրենքի նախագծի հիմնական մոտեցումները, ինչպես նաեւ սահմանադրական բարեփոխումներինոր հայեցակարգում տեղական ինքնակառավարմանը վերաբերող դրույթները:
Ողջունելով քննարկումների մեկնարկը` ՀՀտարածքային կառավարման նախարարի առաջին տեղակալ Վաչե Տերտերյանը դրանցարդյունքները կարեւոր է համարել համապատասխան փաստաթղթերի լրամշակման համար:
Այսօր կայացած քննարկումները վերաբերել են ֆինանսական համահարթեցման հայեցակարգին: «Մեր քաղաքական դիրքորոշումն է՝ ունենալ ավելի հասցեական եւ ավելի արդյունավետ ֆինանսական համահարթեցման համակարգ: Այդ իսկ պատճառով մեր փորձագետներին առաջարկել ենք որոշակի հայեցակարգային մոտեցումներ մշակել՝ վերանայելու համար արդեն եղած նախագիծը` այն ավելի արդյունավետ եւ ժամանակի պահանջներին համապատասխան դարձնելու առումով»,-նշել է Վաչե Տերտերյանը: Այնուհետեւ «Համայնքների ֆինանսիստների միություն» ՀԿ նախագահ, փորձագետ Վահան Մովսիսյանը ներկայացրել է մշակված հայեցակարգային մոտեցումները, որոնց շուրջ մասնագիտական քննարկումներ են ծավալվել: Քննարկումները կշարունակվեն վաղը՝ ընդգրկելով նաեւ քաղաքացիական հասարակության ներկայացուցիչներին:
Սահմանադրական բարեփոխումների նոր հայեցակարգում տեղական ինքնակառավարմանը վերաբերող դրույթները կքննարկվեն աշխատանքային հանդիպումների երրորդ օրը:
«Աջակցություն Հայաստանում տեղական ժողովրդավարության ամրապնդմանը» ծրագրի նպատակը Եվրոպայի խորհրդի իրավական փորձագիտական կարծիքի, քաղաքական խորհրդատվության եւ աջակցության տրամադրումն է տեղական ինքնակառավարման բարեփոխումների գործընթացին, ինչպես նաեւ աջակցության ցուցաբերումը տեղական իշխանությունների կարողությունների զարգացմանը:
