Նիդեռլանդների Teuge Airport օդանավակայանում գործում է արտառոց մի հյուրանոց, որը կառուցված է օդանավի մեջ, որտեղ առաջարկվում են կատարյալ հանգստի համար անհրաժեշտ պայմանները, գրում են Daily Mail-ը։
Ինքնաթիռը գործածվել է անցած դարի 60-ական թվականներին, սակայն այժմ հոլանդացիները դրա համար հիանալի կիրառում են գտել։ Պարբերականը նշում է, որ այստեղ հաճախորդները կարող են մի պահ իրենց օդաչուների կամ էլ ուղեկցորդուհիների դերում զգալ։
Ի դեպ, 40 մ երկարությամբ հյուրանոցում գիշերելը բավական թանկ հաճույք է. մեկ գիշերվա համար գները սկսվում են 500 դոլարից։