Այլասերվածներ միշտ էլ եղել են, բայց առաջին անգամն է, որ նրանք գրոհում են ԱԺ ամբիոնը: Սա վրդովեցնում է: Այս մասին Tert.am-ի եթերում հայտարարեց քաղաքացիներից մեկը, ով դեմ է Ստամբուլյան կոնվենցիայի վավերացմանը:
«Ես չեմ կարող հասկանալ կապը ԼԳԲՏ-ի և ընտանեկան բռնության միջև: Ես 70 տարի ապրում եմ երկրագնդի վրա ու ընտանեկան բռնություն չեմ տեսել ու չեմ էլ լսել: Ի դեպ, ես մեծացել եմ բանվորական թաղամասում: Այդ բանը մեր ազգին հարիր չէ: Ես դեմ եմ, երբ որպես բռնություն են բնութագրում այն, որ երբեմն մարդն ապտակում է կնոջը կամ երեխային: Այդ երևույթը մեզ մոտ չկա ու չի էլ եղել»,-ասաց նա:
Քաղաքացին նշեց, որ կողմ է միասեռականների մեկուսացմանը, եթե դա հնարավոր է. «Դա էլ է անմարդկային, բայց ես դեմ չեմ: Թող առանձին տեղ տրամադրեն: Հիմա գալիս է այն վիճակը, երբ ես սարսափում եմ, որ իմ երեխան կարող է շփվել նման մարդկանց հետ, քանի որ նրանց ճակատին գրված չէ: Ես էլ երբ հանդիպում եմ, գարշանքի տպավորություն եմ ունենում: Բայց ես իմ կարծիքը չեմ հայտնում»
