«Այսօր՝ հուլիսի 31-ին, «Սյունյաց երկրի» խմբագրություն է զանգահարել Գորիս քաղաքի բնակիչ Մհեր Աղաջանյանը եւ խնդրել թերթի միջոցով Հայաստանի Հանրապետության պաշտպանության նախարար Դավիթ Տոնոյանին տեղյակ պահել Մեխակավանի զորամասում ստեղծված վիճակի մասին:
Ըստ Մհեր Աղաջանյանի՝ 2019 թ. հուլիսի առաջին օրերին զորամասում տեղի ունեցած մի միջադեպից հետո (որի արդյունքում իր որդին տուժող է ճանաչվել) զորամասի հրամանատարությունը եւ մասնավորապես հրամանատարի տեղակալ Մանուկ Բադալյանը շարունակաբար վիրավորում է իր որդուն՝ Ալեն Աղաջանյանին՝ նրան պարբերաբար անվանելով «քյարթու գորիսեցի», «քյալ գորիսեցի», «բորդյուր», «քացուս տակ կգցեմ» եւ այլն:
Որդուս արդեն զրկել են սերժանտի կոչումից, կարգապահական գումարտակ են ուղարկել, հիմա էլ այլ զորամաս են ուզում տեղափոխել:
Ծնողը հարցնում է՝ պարոն նախարար, մինչեւ ե՞րբ է որդիս հրամանատարության կողմից մնալու թիրախավորված, եւ վերջապես ի՞նչ է կատարվում այդ զորամասում:
Ծնողն ի վերջո խնդրում է. «Տվեք հնարավորություն, որ որդիս արժանապատվորեն իրականացնի իր քաղաքացիական ու սահմանադրական պարտքը:
Եթե իմ որդին իսկապես կարգ է խախտել, ապա օրենքով սահմանված ձեւով պատասխանատվության ենթարկեք եւ ոչ թե չհիմնավորված ու տղայական հետապնդումներ իրականացրեք»»:
Աղբյուրը՝ այստեղ
