Այսօր՝ օգոստոսի 2-ին, «Սանիթեք» ՍՊԸ-ի հայաստանյան մասնաճյուղի և «Սանիթեք» Ինթերնեյշնլ ՍՊԸ-ի տնօրեն Նիկոլաս Թավիլը հանդես եկավ մամուլի ասուլիսով՝ ներկայացնելով ընկերության կատարած աշխատանքները, խնդիրները, ինչպես նաև առաջարկները, թե ինչ պետք է անել մասնավորապես աղբահանության ոլորտում առկա խնդիրները լուծելու համար:
Analitik.am-ի տրամադրության տակ են հայտնվել նամակները, որոնք Թավիլը մինչ այս ուղարկել է Երևանի քաղաքապետարանը:
Հարկ է նշել, որ առաջին նամակը քաղաքապետարան ուղարկվել է դեռևս 2018 թվականի նոյեմբերի 28-ին: Նամակում նշվում է, որ միայն առկա խնդիրների վերաբերյալ համակարգային լուծում գտնելուց հետո ընկերությունը կկարողանա ապահովել մատուցվող ծառայությունների կայունությունը:
