Ներկայացնում ենք «Ժառանգության» առաջնորդ Րաֆֆի Հովհաննիսյանի ելույթը մասամբ՝ քառյակի հանրահավաքին.
«Հինգ տարի առաջ այս օրը նա ստորագրել տվեց այն արձանագրությունները, որոնք հակապետական էին, հակասահմանադրական: Անցյալ տարի պետական հանցագործությամբ նա գողացավ ոչ թե իմ քվեն, այլ ժողովրդի ձայնը՝ արհամարհելով ժողովրդի խոսքը ևս մեկ անգամ: Այսօր իր ստորագորությունը դրեց մի փաստաթղթի վրա, որով վաճառեց Հայաստանի անկախությունը: Իր ցանկացած արտաքին և ներքին քայլ առ ոչինչ է և ժողովուրդը չի ընդունում, միայն լեգիտիմ իշխանությունը, նոր ազգային ժողովը , միայն լեգիտիմ իշխանությունը կարող է շտկտել Հայաստան- Ռուսաստան համագործակցություան խնդիրը, և միայն լեգիտիմ իշխանությունն է, որ կարող է հաշվետու լինել ժողովրդի առջև՝ թույլ չտալու անարդարություններ: Շնորհակալություն եմ հայտնում այսօր հարթակում կանգնած բոլոր ուժերին, որ բոլոր տեսակի խնդիրներ հաղթահարեցին, որ կանգնեն ձեզ հետ, և կլինեն վաղը, հաջորդ շաբաթ, շնորհակալություն պետք է հայտնել պարոն Սարգսյանին և ասել բարի ճանապարհ, ձեր ժամանակը լրացել է: Ամեն մեկդ մասնակից եք լինելու այս հաղթանակին և առանց ձեզ ոչ մի քայլ չի աևձանագրվելու: Այստեղ կանգնածները հաշվետու են ձեր առաջ և մենք միասին գնալու ենք մինչև վերջ»: