Արգենտինայի հայ համայնքը արձագանքել է արգենտինական ֆուտբոլի գրանդերից մեկի՝ «Ռիվեր Փլեյթի» և Turkish Airlines-ի միջև ստորագրված պայմանագրին:
Instituciones Armenias de la República Argentina-ի (IARA) տարածած հայտարարության մեջ նշվում է, որ ավիաընկերությունը գործիք է Թուրքիայի նախագահ Ռեջեփ Թայիփ Էրդողանի ձեռքում, որով փորձ է արվում մաքրել երկրի իմիջը:
Հայտարարության մեջ նշվում է, որ արգենտինական ֆուտբոլային աշխարհը միշտ սոլիդարություն և եղբայրական վերաբերմունք է ցուցաբերել հայկական համայնքի նկատմամբ, ովքեր Հայոց ցեղասպանությունը վերապրածների սերունդներն են:
Հայկական կազմակերպությունը նաև հիշեցնում է, որ նախկինում մի շարք ֆուտբոլային ակումբներ, ելնելով հայերի նկատմամբ վերաբերմունքից, հրաժարվել են տարբեր պայմանգրեր կնքել թուրքական և ադրբեջանական ընկերությունների հետ:
