Նաիրա Զոհրաբյանը իր ֆեյսբուքյան էջում լուսանկար է հրապարակել և գրառում է կատարել․
«Գյումրու Հատուկ կարիքներ ունեցող երեխաների մանկատանը գտնվող 6-ամյա Գարիկին, ում «մայր» կոչեցյալը երկու ամսականում հանձնել էր մանկատուն, Երեւանի «Ուիմգոր քլինիք» մանկական օրթոպեդիայի կենտրոնում, ինչպես եւ խոստացել էին, բացարձակ անվճար արեցին կոնքազդրային հոդի բարդ վիրահատությունը։ Հիմա փոքրիկ այս հրաշքին հետվիրահատական փուլից հետո սպասվում է ամենաբարդ վիրահատությունը՝ ողնուղեղի վրա, որը հույս ունենք անել Գերմանիայում։
Շնորհակալ եմ կլինիկային, և բոլոր նրանց, ովքեր գիտեն սիրել, կարեկցել և օգնել։
Այս երեխաները ամենից շատ սիրո և քնքշանքի կարիք ունեն։
Փոքրիկ Գարիկը հաստատ քայլելու է և ունենալու է լավ ընտանիք։
Ես դա խոստացել եմ ինձ ու Գարիկին»։
