ՀՀ Ազգային ժողովի «Ժառնագություն» խմբակցության պատգամավորներ Ռուբիկ Հակոբյանը և Թևան Պողոսյանը ՀՀ կառավարությանն են ներկայացրել օրենքների նախագծերի փաթեթ, որով առաջարկվում է հանել ուսումը շարունակելու համար պարտադիր զինվորական ծառայության զորակոչից տարկետում ստանալու իրավունքը: ՀՀ կառավարության նիստում վարչապետ Հովիկ Աբրահամյանը նշեց, որ հարցն ունի հասարակական մեծ հնչեղություն, առնչվում է հասարակության լայն շերտերին: «Կարծում ենք, որ հարցի վերաբերյալ վերջնական եզրակացության ձևավորման համար անհրաժեշտ է կազմակերպել քաղաքական ուժերի և քաղաքացիական հասարակության ներկայացուցիչների մասնակցությամբ լայն քննարկումներ»,- ասաց վարչապետը:
Ներկայացված օրենքների նախագծերի փաթեթը ՀՀ ԱԺ-ում քննարկելիս հարակից զեկուցմամբ հանդես կգա ՀՀ կրթության և գիտության նախարար Արմեն Աշոտյանը:
