Այսօր առավոտից ԱԺ աշխատակազմի մի քանի տասնյակ աշխատակիցներից արդեն ստացել եմ դժգոհություններ ղեկավար կազմի կողմից աշխատողների նկատմամբ թույլ տրված իրավունքների խախտումների մասին:
Ստացածս տեղեկություններն անհանգստացնող են, հատկապես հաշվի առնելով աշխատողներից մեկի առողջության կտրուկ վատթարացման դեպքը: Ըստ այդ տեղեկությունների համատարած և կոպտորեն խախտվում են անձանց աշխատանքային իրավունքները:
ԱԺ աշխատակազմի ղեկավարին հորդորում եմ ցուցաբերել խոհեմություն, զերծ մնալ ապօրինություններից և սեղմ ժամկետում վերականգնել աշխատողների խախտված իրավունքները:
ԱԺ նախագահին առաջարկում եմ իրավիճակը վերցնել խիստ հսկողության և բացառել հնարավոր բոլոր ապօրինությունները: