Հոլիվուդյան դերասան Էրիկ Ռոբերթսը ժամանել է Սոչի մարտական սամբոյի միջազգային մրցաշար և հայտարարել է, որ կցանկանար ձեռք բերել Ռուսաստանի քաղաքացիություն: Այս մասին հայտնում է ՌԻԱ Նովոստին։
Ռոբերթսը եղել է պրոֆեսիոնալ մարտական սամբոյի «Պլատֆորմ S-70» տասներորդ տարեդարձի միջազգային մրցաշարի վաստակավոր հյուրը: Նա ինքը թեքվոնդոյի սև գոտու դափնեկիր է և միշտ խոստովանել է իր սերը մարտարվեստի հանդեպ:
«Ես շատ եմ սիրում մարտարվեստը, մարտիկներին, և դրա համար եկա Ռուսաստան՝ մարտերի գեղեցիկ երեկոն դիտելու: Չեմ համբերում, թե երբ եմ ստանալու Ռուսաստանի քաղաքացիություն»,-դերասանի խոսքերը մեջբերում է գործակալությունը։
Դերասանը մեկ անգամից ավելի այցելել է Ռուսաստան և խոստովանել է, որ նրան դուր է գալիս այդ երկիրը: Ռոբերթսը համեմատել է Ռուսաստանը Ամերիկայի հետ՝ ասելով, որ այդ երկու պետությունները «շատ ռոմանտիկ» են, և որ յուրաքանչյուր երկիր ունի «իր հիանալի կյանքը»:
Ռոբերթսն առաջին անգամ չէ, որ խոսում է Ռուսաստանի քաղաքացիություն ստանալու իր ցանկության մասին։ Օրինակ, նա այդ մասին հայտարարել է անցյալ տարի Դոնի Ռոստովում «Bridge of Arts» միջազգային փառատոնի շնորհանդեսի ժամանակ:
