ԱՄՆ նախագահ Դոնալդ Թրամփը Ռուսաստանի նախագահ Վլադիմիր Պուտինի հետ անձնական հարաբերությունները գնահատում է լավ: Այս մասին հայտարարել է ԱՄՆ ազգային անվտանգության հարցերով խորհրդական Ջոն Բոլթոնը, փոխանցում է Ինտերֆաքս»-ը:
«Կարծում եմ, որ նախագահ Թրամփը հավատում է, որ շատ լավ անձնական կապեր ունի նախագահ Պուտինի հետ»,-ասել է Բոլթոնը:
Ամերիկացի խորհրդականը նշել է, որ երկու կողմերն էլ տարաձայնություններ ունեն տարբեր հարցերի շուրջ: Սակայն Թրամփը, նրա կարծիքով, հուսով է, որ «իր ունեցած անձնական կապը կվերածվի ավելիին»:
Հիշեցնենք, որ Օսակա քաղաքում G20 գագաթնաժողովի ընթացքում Պուտինի հետ զրույցից հետո Թրամփը հայտարարել է, որ Ռուսաստանի ղեկավարը հասարակ մարդ չէ և հիանալի տղա է: Բանակցությունները տևել են մոտ մեկուկես ժամ:
