ԼՂ հակամարտության կարգավորման հարցով Ադրբեջանի նախագահ Իլհամ Ալիևի հատուկ ներկայացուցիչ Արազ Ազիմովը հայտարարել է. « ԵԱՀԿ Մինսկի խմբի ամերիկացի համանախագահ Ջեյմս Ուորլիքը լավ կապեր ունի ԱՄՆ հայ համայնքի հետ: Ամերիկացի համանախագահը նախընտրում է ավելի շատ շփումներ ունենալ ԱՄՆ հայ համայնքի հետ: Պարոն Ուորլիքը իրեն թույլ է տալիս ազատ մեկնաբանել միջազգային իրավունքի նորմերը և սկզբունքները, որոնք ընկած են հակամարտության կարգավորման հիմքում: Իսկ առաջարկը, որով առաջարկվում էր քննարկել, թե ինչ օգուտ կարելի է քաղել Ուկրաինայում տիրող իրավիճակից Հայաստանի և Ադրբեջանի միջև հակամարտության կարգավորման համար, նրա կողմից շատ նորմալ է ընկալվում:
Ադրբեջանական կողմը Մինսկի խմբի ամերիկացի համանախագահին անվստահություն է հայտնում և հրաժարվում նրա հետ աշխատելուց: Մենք դիմում ենք ԵԱՀԿ գործող նախագահին` պահանջելով ետ կանչել Ջեյմս Ուորլիքին համանախագահությունից»,- Հայտարարել է Ազիմովը:
