Դանիայի նախկին վարչապետ Լարս Ռասմուսենը հույս է հայտնել, որ Գրենլանդիայի գնման հարցում ԱՄՆ նախագահ Դոնալդ Թրամփի հետաքրքրությունն անհեթեթ կատակ է:
«Դա երևի ապրիլյմեկյան կատակ է, բայց բնավ ոչ տեղին»,-գրել է Ռասմուսենը թվիթերյան իր էջում:
Նրան միացել է նաև նախկին արտգործնախարար Մարտին Լիդեգորը, որին վախեցրել է կղզին ռազմականացնելու գաղափարը:
Հիշեցնենք, որ ավելի վաղ հայտնի էր դարձել, որ Թրամփը ցանկություն է հայտնել գնել Գրենլանդիան՝ որպես Արկտիկայում ռազմական ներկայության ընդլայնման մաս:
Կղզու տարածքը կազմում է ավելի քան երկու միլիոն քառակուսի կիլոմետր: Այնտեղ ապրում է մոտ 17 հազար մարդ: Գրենլանդիան Դանիայի տարածք դարձավ 1814 թվականին, իսկ 1979-ին ստացավ ինքնավար միավորի կարգավիճակ:
