Իտալիայի նախկին վարչապետ Սիլվիո Բեռլուսկոնին կարծում է, որ ուկրաինական ճգնաժամի սրման հետ կապված՝ առաջացել է սառը պատերազմին վերադառնալու վտանգ, գրում է ria.ru-ն:
«Կարծում եմ՝ Ռուսաստանի նկատմամբ գոյություն ունի սառը պատերազմին վերադառնալու վտանգ»,- հայտարարել է նա Radio-1 ռադիոկայանին տված հարցազրույցում՝ մեկնաբանելով Ուկրաինայում իրավիճակը։
Ապրիլի կեսին Բեռլուսկոնին խիստ քննադատության էր ենթարկել ուկրաինական ճգնաժամի վերաբերյալ Եվրամիության գործողությունները: Նրա կարծիքով՝ ԵՄ-ն անտարբերություն և անգործություն է ցուցադրում՝ ցույց տալով սեփական արտաքին քաղաքականության և ռազմավարության բացակայություն։
Հաագայում G7 երկրների գագաթնաժողովից հետո, երբ որոշում էր կայացվել դադարեցնել Ռուսաստանի մասնակցությամբ «մեծ ությակի» ձևաչափով հանդիպումները, Բեռլուսկոնին այդ որոշումն անվանել է «հակապատմական և անարդյունավետ»։
