ԱՄՆ-ի ռազմական ներկայությունն Աֆղանստանում չի նպաստում այս երկրի անվտանգությանը, հայտարարել է Իրանի նախագահ Հասան Ռոհանին, ով հյուրընկալել էր Թեհրանում Աֆղանստանի նոր դեսպան Աբդուլգաֆուր Լիվալյային:
«Մենք համոզված ենք, որ ԱՄՆ ռազմական ներկայությունն Աֆղանստանում չի բերել և չի բերելու ոչ մի օգուտ այս երկրի և նրա բնակչության անվտանգությանը»,-ասել է Ռոհանին, որի խոսքերը մեջբերվում են նրա պաշտոնական կայքում:
Դեսպանից հավատարմագրեր ստանալուց հետո, Իրանի նախագահը հայտարարել է Թեհրանի պատրաստակամության մասին ՝ ամրապնդել խաղաղությունն ու անվտանգությունն Աֆղանստանում, ինչպես նաև դատապարտել է այդ երկրում ահաբեկչական գործողությունները:
