Միջազգային սկանդալի կիզակետում հայտնված իրանական Grace 1 տանկերը լքել է Ջիբրալթարը: Այս մասին հայտնում է GBC News-ը:
Աղբյուրը նաև հրապարակել է տեսանյութը, թե ինչպես է նավը հեռանում: Դատելով տեսանյութից՝ կարելի է ենթադրել, որ դա տեղի է ունեցել երեկ:
GBC News-ը հավելում է, որ հեռանալուց առաջ Grace 1-ն անունը փոխել է՝ դառնալով Adrian Darya-ն: Այն Ջիբրալթարում մնացել է 46 օր:
Հիշեցնենք, որ նավը ձերբակալվել էր բրիտանական կողմի դիմումի հիման վրա: Այն ազատ արձակվեց, քանի որ Իրանը հավաստիացրեց՝ բեռը չի տեղափոխվելու Սիրիա:
