Քանի դեռ միակ իշխանություն ժողովուրդն ասում է ոչ, հանքը չպետք է շահագործվի: Այս մասին, խոսելով Ամուլսարի մասին, լրագրողների հետ զրույցում հայտարարեց ՀՀ ԱԺ ԲՀ խմբակցության պատգամավոր Նաիրա Զոհրաբյանը, ով այս պահին գտնվում է Բաղրամյան պողոտայում:
Զոհրաբյանը հայտարարեց, որ ԲՀԿ-ում արագ քննարկում է տեղի ունեցել և ինքը հայտնում է հենց ԲՀԿ-ի դիրքորոշումը:
Ավելի վաղ վարչապետ Նիկոլ Փաշինյանի մասնակցությամբ քննարկում էր տեղի ունեցել, որի ընթացքում վարչապետը հայտարարել էր, թե հիմքեր չի տեսնում հանքի շահագործումը թույլ չտալու համար:
Այս պահին վարչապետը հանդիպում է Իմ քայլի պատգամավորների և ՔՊ-ականների հետ:
ԲՀԿ-ականների համար նաև անհասկանալի է, թե ինչու են փակել Ազգային ժողովի այգու դռները:
Ցուցարարներից մեկն իր հերթին հայտարարեց, որ ԲՀԿ-ն այն ժամանակ պետք է պայքարեր, ոչ թե հիմա. «Դուք այստեղ տեղ չունեք, դուք եք թույլ տվել, որ հանքը շահագործվի»:
