Այսօր՝ օգոստոսի 20-ին, լրագրողների հետ հանդիպմանը ՀՀ ԱԺ նախկին պատգամավոր Սեյրան Սարոյանը, պատասխանելով նախկինում բանակը թալանելու մասին հարցին, չհերքեց, որ նման բան եղել է. «Տո ինչի՞ չի թալանվել»:
Գեներալը հիշեցրեց ամիսներ առաջ իր էլույթը. «Չեք հիշո՞ւմ, հելա ամբիոնից ասի՝ արա դատախազից մի վախեցեք, Աստծուց վախեցեք: Ամբիոնից եմ ասել՝ ձեզի զգուշացնում եմ պարոնայք, էտ որ տուշոնկեքը, կաթը կոխում եք, դատախազից մի վախեցեք, Սստծու պատժից վախեցեք»:
Հարցին, թե ովքեր են գողացողերը եղել, Սեյրան Սարոյանը չգիտի: Նա նաև հերքում է, որ ինքը որևէ բան է գողացել բանակից. «Գիտե՞ս քանի հազար զինվոր է իմ մոտ ծառայել, եթե գողացած լինեի, սենց բաց չի կարող խոսել, բոլոր զինվորներս իմ անունով են երդվել»: