Նարինե Կիրակոսյանը ֆեյսբուքյան իր էջում գրում է.
Արայի լեռն արդեն քանի ժամ հրդեհվում է, հարակից գյուղերը ծխից խեղդվում։ Օհանավան գյուղի բնակիչները ծխից դուռ-պատուհան են փակում, կամ գյուղից փորձում հեռու գնալ։ ԱԻՆ-ը որևիցե կերպ գործողություն չի արել գյուղերում։
Ավելի վաղ ԱԻՆ-ը հայտնել էր.
Օգոստոսի 20-ին, ժամը 09:16-ին «911» ծառայությանն ահազանգ է ստացվել, որ Կոտայքի մարզի Արայի լեռան ստորոտում՝ ավազի հանքի մոտ, այրվում է խոտածածկույթ:
Դեպքի վայր են մեկնել ԱԻՆ ՓԾ մարզային փրկարարական վարչության երկու օպերատիվ խումբ և հրշեջ-փրկարարական ջոկատից երկու մարտական հաշվարկ:
Պարզվել է, որ վերոնշյալ տարածքում այրվում է մոտ 20 հա խոտածածկույթ:
Ժամը 18:00-ի դրությամբ հրդեհաշիջման աշխատանքներին մասնակցում են 71 հրշեջ-փրկարար, անտառտնտեության 18 աշխատակից և մոտ 60 տեղի բնակիչ:
Կտրվի լրացուցիչ տեղեկություն: