Երևանի քաղաքապետ Հայկ Մարությանը դատական հայց է ներկայացրել Երևանի ավագանու նախկին անդամ Սոնա Աղեկյանի դեմ: Այս մասին տեղեկանում ենք Դատական տեղեկատվական համակարգից:
Հայցը ներկայացվել է օգոստոսի 15–ին:
Գործը մակագրվել է դատավոր Տաթևիկ Ստեփանյանին:
Դատական հայցը ներկայացվել է պատվին և արժանապատվությանը պատճառված վնասի հատուցման և հերքման պարտավորեցնելու պահանջով:
Հիշեցնենք՝ ավելի վաղ Աղեկյանը հայտարարել է, որ Մարությանը կոռումպացված գործարքների մեջ է:
