Playboy ամսագրի թղթակից Բրայան Քարեմը դատի է տվել ԱՄՆ նախագահ Դոնալդ Թրամփին և Սպիտակ տան մամուլի խոսնակ Ստեֆանի Գրիշեմին՝ իր մշտական անցաթուղթը կասեցնելու համար, ինչն անհրաժեշտ է Ամերիկայի ղեկավարի նստավայրում մամուլի համար բաց միջոցառումներին մասնակցելու համար: Այս մասին Twitter-ի իր էջում հայտնել է լրագրողի փաստաբան Թեդ Բութրուսը:
Այս ամսվա սկզբին Սպիտակ տունը տեղեկացրել է Քարեմին, որ օգոստոսի 5-ից նրա մուտքը Սպիտակ տուն կդադարեցվի 30 օրվա ընթացքում: Դրա պատճառը թղթակցի վեճն էր ԱՄՆ-ի ղեկավարի նախկին օգնականի հետ: Քարեմը բողոքարկել է իշխանությունների որոշումը՝ գրություն ուղարկելով Գրիշեմին, սակայն նրա հայցը մերժվել է:
«Այսօր մենք դատական հայց ենք ներկայացրել ընդդեմ նախագահ Թրամփի և մամուլի քարտուղար Ստեֆանի Գրիշեմի՝ Վաշինգտոնի դաշնային շրջանի դատարան՝ խնդրելով պահանջել անհապաղ վերականգնել Playboy-ի լրագրող Բրայան Քարեմի անցուղին և արգելել նրա իրավունքների շարունակական խախտումները, որոնք երաշխավորված են ԱՄՆ Սահմանադրության առաջին և հինգերորդ փոփոխություններով»,-գրել է Բութրուսը:
Լրագրողին պաշտպանել են Սպիտակ տան թղթակիցների ասոցիացիան (WHCA) և «Լրագրողներ առանց սահմանների» միջազգային կազմակերպությունը:
