Վրաստանի ներքին գործերի նախարար Ալեքսանդր Չիկաիձեն մայիսի 13-ին պաշտոնական այցով ուղևորվել Է Ադրբեջան, տեղեկացնում Է «Գրուզիա Online»-ը:
Ինչպես հայտնել են Վրաստանի ՆԳ նախարարությունում, այցի ընթացքում նախարարը հանդիպում կունենա երկրի ղեկավարության հետ, այդ թվում՝ Ադրբեջանի ՆԳ նախարարի, արտակարգ իրավիճակների նախարարի և Պետական սահմանապահ ծառայության ղեկավարի հետ:
Հանդիպումների ընթացքում կքննարկվեն գերատեսչությունների միջև համագործակցության հարցերը: Կարծարծվեն նաև վերջին ժամանակներս Վրաստանի ՆԳ նախարարությունում իրականացված բարեփոխումները:
Նախատեսվում Է, որ վրաց նախարարի՝ Ադրբեջան այցը կավարտվի մայիսի 16-ին:
