Այսօր՝ օգոստոսի 22-ին, կառավարության նիստի ժամանակ որոշում կայացվեց կառավարության պահուստային ֆոնդից վարչապետի աշխատակազմին հատկացնել 33 միլիոն 680 հազար դրամ, որը դրամաշնորհային պայմանագրի հիման վրա տրամադրվելու է Իրազեկ քաղաքացիների միավորման Ստեփանակերտի գրասենյակ խորհրդատվական ՀԿ-ին և «Թրանսփարեսի Ինթերնեյշնլ» հակակոռուպցիոն կենտրոնին: Գումարը տրամադրվում է Արցախում սեպտեմբերին կայանալիք ընտրություններում դիտորդական առաքելություն կատարելու նպատակով:
Հարցը զեկուցեց վարչապետի աշխատակազմի ղեկավարի տեղակալ Ծովինար Սողոմոնյանը:
Վարչապետ Փաշինյանը որոշումը շատ կարևոր համարեց՝ հավելելով, որ Հայաստանի կառավարությունը և անձամբ ինքը համարում են, որ ՀՀ-ն պետք է աջակցի հավելյալ երաշխիքներ ստեղծելուն, որպեսզի Արցախի ժողովրդի ազատ կամարտահայտություն տեղի ունենա. «Սա այդ միջոցառումների ցանկի մեջ մտնող որոշում է, որը նաև աննախադեպ է»:
